Op Bläcke Fööss Noh Kölle

Heinrich Pütz-Kaczmarek hät ene Draum: Eimol beim beröhmte „Circus Pitz“ en der Manege ze stonn.
Jede Ovend steiht der Hein hingerm Vürhang un luurt däm sensationelle Spektakel zo:
Et fleege Lück durch de Luff, Kreature höppe usem Zylinder un Messer weede geworfe - manchmol och op der Herr Direktor, weil dä aangeblich e Fisternöllche met allem hät, wat nit bei „Drei“ om Trapez es.
Et Zirkusidyll kütt en et Wanke, wie eine Broder vum Akrobatetrio „The Pitz Brothers“ fottgezaubert weed un die rabiate Tigerdompteurin „Katharina die Große“ plötzlich en Möschepopp es.
Ävver et nötz nix: The Show must go on! Alsu gonn mer op große Welttournee: vun Paris noh Peking un vun Rio de Janeiro noh Castrop Rauxel. Alles vollgepack met Leedcher vun de Bläck Fööss. Un wä weiß: Vielleich dräume mer am Engk all dä selve Draum!